استئصال المرارة وعلاقته بالفتاق

لو انت من الناس اللي عندهم المرارة والفتاق في نفس الوقت فانت واحد من ضمن ناس كتير شبهك والمقال ده هايفيدك

أما لو انت مريض بالمرارة وقربت تعمل العملية فبرده المقال ده هايفيدك أكيد

من زمن كان أي مريض بحصوات المرارة بيتقدمله اختيار واحد وللأسف هو اختيار سيئ بس ما كانش فيه غيره و هو اجراء العملية بالجراحة التقليدية وده كان بيؤدي لمشاكل ومضاعفات كتير والسبب:

1. قطع عضلات البطن مع وجود جرح كبير كان بيسبب مضاعفات زي صعوبة التئام الجرح وبعدها بيحصل التهاب في الجرح

2. فتق جراحي مكان جرح العملية وللأسف النوع ده من الفتق الجراحي من أسوأ الأنواع في تصليحه.

وبعد حدوث ثورة كبيرة في الجراحات أصبح استئصال المرارة بالمنظار هو بديل الجراحة واتلغي استئصال المرارة بالجراحة التقليدية في العالم كله .

استخدام المنظار قلل كتير من حدوث المضاعفات وبقي عدد الغيارات اقل بكتير والاستشفاء اسرع بكتير وقلل جدا من حدوث مضاعفات او التهابات في الجرح وأصبح نسبة حدوث الفتاق قليلة جدأ أو شبه منعدمة لاننا مش بنضطر نقطع العضلات في جراحة المنظار.

• اي مريض بيجيلنا بالتهاب او حصوات في المرارة بننصحه بدون تردد اننا نعمله العملية بالمنظار.

• اي مريض بيجيلنا كان عامل عملية الفتاق بالجراحة قبل كده وحصله فتاق بنقوله علم كل قرايبك واللي حواليك ان استئصال المرارة بالجراحة التقليدية أصبحت ممارسة غير موجودة في العالم كله.

مش كده وبس كمان ممكن استئصال المرارة وتصليح اي نوع فتاق من جروح صغيرة في البطن وكمان تصليح الفتاق بيكون اقوي بكتير و أفضل من التصليح التقليدي.

ولكن في حالة تصليح الفتق بالمنظار بنستخدم شبكة من نوع خاص مصنوع مخصوص لتصليح الفتق بالمنظار.

صحتك تهمنا علشان كده دائما بننصحك بالأفضل وأكيد يشرفنا أي استفسار او تواصل من حضرتك بخصوص استئصال المرارة بالمنظار أو تصليح الفتق بالمنظار أو العمليتين مع بعض.